“Possibil che i ma capita tücc a mi”

Ala TSI la comedia dala fin da l’ann
a cura di Pieregiorgio Baroni

Yor Milano e Flavio Sala “Possibil che i ma capita tücc a mi”

Da sicür l’è na bèla roba, che ala fin da l’ann la TSI, la nossa television, la salüda ul püblic e la fà i augüri cunt una comedia dialetàl. L’è denta in dala tradizion. E ul TEPSI (Teatar Popolar dala Svizera Italiana) al ga mett la firma, cunt ul sò diretór. Ul Yor Milano. Se guàrdum i sò ültim lavór, a védum che l’è passat dal cinema (“Düü testimoni scomud” cunt la Marilyn Monroe e prima ammò “Se ta cati ta copi” cunt ul John Wayne) al teatar dialetàl, diséndum che “L’apetit l’è la salsa püssée bona che ga sia” e fasendo capì da lassà “Giò i man da l’om di caverni”. Cunt “Ul Batacc” e ul “sito internet” ul TEPSI al mantegn ul cuntatt föra e via. 

Dunca “Possibil che i ma capita tücc a mi” al guardarem ala television ul 31 da dicémbar. Ma già in otóbar a gh’è stai dò siràt al palazz di congress da Lügan. Da grand sücess. Intant ul Yor l’ha vingiüt, come as dis, diversi scomess, fasendo spazi a una mèza donzéna da atór giovin e “new entry” (ta chì ul dialètt inglesizzàt!) che iè stai bon da mövas e da cüntàla sü come se i avressan sémpar recitàt sül palco. Bisögna anca dì che l’eva mia facil, par ul Yor e par ul regista Vittorio Barino, fa la tradüzion dal francés in dialètt dal “Blaise” dal Claude Magnier. 
Una comedia da tanti ann fà. Parchè i personagg iè complicàt. E tanti volt al vàr mia tant quel che i disan, ma quel che i fann capì.
Anca dumà mövendo la crapa, girando i man o tirando sü i öcc. Chì, alúra, a gh’è un moment straordinari, indua ul Yor al vèrd mia, ma gnanca un zichinin la boca. Ma da come l’è setàt giò e tiràt inséma, ga vör mia tant a capì che a ga piàs par nagott quel che sücéd in gir a lü. Vörum mia cüntàf sü la rava e la fava, mazzaressum ul piasé da nàg adré ai “colpi di scena”. 

E da scuprì ul personagg interpretàt dal Flavio Sala, ul “Bussenghi”, quel che cunt ul Paolo Güglielmon l’ha fai i “Frontaliers” in television. Praticament l’è lü ul “pivot”, ul protagonista che al tegn in pée tütt ul gir da personn (e da sitüazion che sa möv). Par cúrig adré ai progett che i g’han in ment, che i vöran “fa savé” in gir. Ma anca scund quel che i fann. E quel che i’han fai. 

Dala tusa mezza imbranada ala “escort” südamericana, ta chì, passan pòc moment e la storia l’è già sübit ribaltada, girada sota. A mett un po’ d’úrdin ga pensa ul personagg interpretàt dala Mileti Udabotti, ma l’è dumà question d’un boff. E ul casino l’è scià ammò. 

Ul dialètt l’è andré a ringiuvaniss e dunca salüdum ul “TEPSI giovane”, inscì che visinn a quii che cantan e sonan (in dialètt) anca ul teatar dialetàl al pò guardà innanz senza pagüra da perd i colpi. Una bocàda d’aria fresca, par tegnì viv ul noss dialètt in vari manér. 
Senza dismentegà la poesia, che l’è un grand pilaster dala manéra nostrana da comünicà. 

© photo by drago.s

frill

Ultime Offerte

Torta al cioccolato

Dopo un buon pranzo è quasi d'obbligo un buon dessert, siamo sul classico,..
Vetrina del gusto / Offerte

Antipasti di salumi vari

Ecco a voi una selezione di salumi per cominciare a stuzzicare il palato,..
Vetrina del gusto / Offerte

Stinco di maiale

Un classico delle nostre zone, solitamente proposto accompagnato da patate al forno o..
Vetrina del gusto / Offerte

Coniglio al tegame

Quanto sapore in queste parti di coniglio al tegame, insaporiti dalle nostre spezie.
Vetrina del gusto / Offerte