CARA MARIUCCIA…TA SA RÉGORDAT?

Sem riüssii a salüdat mi e la Silvana, sabat passaa, 18 da febrar, a Casa Serena, par i tò 102 ann,ma ta gh’evat i öcc séraa. Alora mi t’o dii: – Mariuccia, vèrd qui öcc che vöri fatt i augüri! Macchè, nagott…alora t’o domandaa: – Mariuccia, ma ti ta ma séntat?…ta m’è fai da si con la testa, halleluya! La m’a sentüü!
T’è vist che finalmént al t’a ciamaa? Ti che ta disévat sempro: “QUEL SÜ LÀ, AL MA VÖR MIA! Anca se ti, in fond, t’è incominciaa a mörì ul dì che ta sé naia via dal tò apartamént, in via Du Four…quél l’è stai un vero dramma, ma ta pudévat mia restà lì da par ti, l’eva tropp periculos. Ta sa régordat quand a t’o domandaa comè l’eva a la CASA SERENA e ti ta mè rispondüü: – A gh’o ammò da capì parché i la ciama serena!!!! Cert che l’è ‘na batüda e mi ga domandi scüsa a tücc quii che i è stai visin a ti in sti ann a la CASA SERENA parché i è stai tücc di veri ANGELI CUSTODI, in sü la tèra e ai ringrazi tantissim.

Mariuccia Medici © photo by drago.s

Cert, podi mia dii che ta ma màncat mia, anzi…però vedét in quéla stanzéta, setada giò sü quéla cadréga a rödel, con quel faccin disperaa che ta ma domàndat da portàt al ristorante cinese da Lüin…ta disi mi che se ta füdéssat staia in una gabia, mi t’avréssa verdüü sübit ul sportel par fatt gorà via! Dèss inveci l’è tüta ‘n’ altra roba, parché al so benissim che ta podat scoltà quii che ta pensa, quii che ta parla e quii che ta vör ben. E ti t’al sé benissim quanto sa vörum ben, nüm düü.
Prima da tütt ta sé la cofondatrice dal Teatro della Svizzera italiana e Insubria, e cumè imagin da la nossa cültüra, ta gh’è sempru tegnüü tantissim al dialet. Ta sé staia e sarét sempro un grand aiüt par mi.
Cert che a métt inséma i stori che g’avréssum da cüntà sü, mi e ti, ga saréss da stampà dés volüm e l’è mia dii che sa métum lì tücc e düü a scrivai inséma!
Ta sa regòrdat… quand, in da “LA RöDA LA GIRA” ti ta sévat la mè sösra, l’eva sücédüü quaicoss da grave. Mi, rivavi scià e ta diseva: sem in di petol, Mamma Angela!…Ma mi o cambiaa, som vignüü denta e o dii: – sem in da la merda, mammangiala.. ti t’è incominciaa a riid, mi ta sum vignüü dré e tütt ul stüdi al s’è métüü dré a riid, anca ul Vittorio Barino, men che ul Francis Borghi che l’éva l’autore dal testo, lü l’è ‘nai a guardà parché gh’eva quaicoss che nava mia…a la fin mi o dii che l’eva ‘n scherz e tütt l’è nai a post.
Ta sa regordat… quand à la trasmission dal Gerry Scotti «STORIE SI STELLE»Mi gh’o dii:
Sai Gerry, la Mariuccia è talmente in forma a 90 anni che siamo molto preoccupati per lei. E ul Gerry, – Perché? – Quando saremo morti tutti, cosa farà sola al mondo? E ti t’è rispondüü: SCEMO!
La storia püssé incredibila l’è stai quand, a Rivöi , al di prima da la comedia “UN BASIN AI SETT DA MATINA”, ai pröv, vèrs i vott, a la sira, ta sé burlada in tera, emm pensaa da tütt…ul bacino, ul femore…e inveci l’eva ul pols…l’eva rott, i ta portà al Civic, ul Dotor Martinoli al t’a operaa ai déés, ul di dopo, la sira, ta sévat puntualissima in scena col brasc al coll, e ta sé staia grandissima.
Ta sa regordat… quand ul prim d’agost da tri ann fa, t’è fai un sketch col Brenno Martignoni, in Piazza del Sole a Bellinzona, e gh’éva un copion, t’è fai i pröv cun lü, e quand sévov sül palco e che ul Brenno al ta salüda, ti ta ga domandat: Ma lüü l’è ammò sindigh? E parché al taca lit sempro cun tücc?…-Ma l’a cünta sü ul Brenno, al m’a dii che ta l’è tiraa fö dal birlo e al capiva pü nagot!!
E quand sevom al grotto, ‘na sira, a scena inséma, t’o dii: Mariuccia, al sét chi che gh’è dadré da ti? Ul scur XY, l’éva un vecc finanziere ticines, con la bella biondina di turno. Ti ta sa voltat e tal salüdat, lü al ta ricognoss e al ta diis:Buonasera Signora Medici, tutto bene? Ti ta gh’è rispondüü: bene bene…chi ca l’è, la so tosa?…e lü –Ma nooo, è la mia fidanzata! E alora ti.- Ma l’è mia un po’ giuvina par lü?….NO COMMENT
Gan saréss ammò tanti da cünta sü, ma a dévom scrivai con püssé calma…dèss ta lassi tranquila, ta sa preparat par nà in scena sü sü là…gh’è un gran püblich che al ta spécia e nüm podum mia fal specià!
Cert che vöri pü sentim dii: nissun l’ è indispensabil…l’è mia vera….ti sévat indispensabila, al vör di che nüm, ammò chi sü la tèra, devom fa senza da ti, e la sarà dürissima.
Sum cuntent d’una roba…grazie al TEPSI, ta sé staia protagonista da déés comedi e l’è mia poch.
Devi anca ringraziat d’una roba: senza da ti, ga saréss mai nai al TG, in diretta!!! Grazie Mariuccia, l’è stai ul prim miracol che ta m’è fai, da quand ta sé passada da l’altra part…cumincium ben!!! Avanti, inscì che podi domandà da fatt santa sübit!
Ciao Mariuccia…stamm sempro visin, e iütom sempro, ma racomandi…ta mandi un basin!
Yor e Mariuccia Medici © photo by drago.s

Yor e Mariuccia Medici © photo by drago.s

frill

Ultime Offerte

Torta al cioccolato

Dopo un buon pranzo è quasi d'obbligo un buon dessert, siamo sul classico,..
Vetrina del gusto / Offerte

Antipasti di salumi vari

Ecco a voi una selezione di salumi per cominciare a stuzzicare il palato,..
Vetrina del gusto / Offerte

Stinco di maiale

Un classico delle nostre zone, solitamente proposto accompagnato da patate al forno o..
Vetrina del gusto / Offerte

Coniglio al tegame

Quanto sapore in queste parti di coniglio al tegame, insaporiti dalle nostre spezie.
Vetrina del gusto / Offerte